Turtørke og fulltids tante/onkel

I morgon er det nøyaktig ei veke sidan sist gang vi hadde på oss fjellskoa.

Det er ei merkeleg kjensle for å seie det slik!

Men veka har vore bra, sjølv utan den etterkvart så viktige ingrediensen fjell.

Lasse og Rikke har hatt fine daga i sola i Tyrkialandet, 

og vi har vore so heldige å fått lånt Sara- og Tonygull ei heile veke te endes.

Stor stas for tante og onkel!

Tida har gått med til kos, puslespel, barne-TV og fjøsstell, 

samt litt Kilimanjaro-førebuingar innanfor husets fire veggar etter leggetid.

Denne veka har det ramla inn pakkar til K&K på postkontoret med jamne mellomrom.

Sara og Tony syns det er litt urettferdi at dei voksne får pakka kvar dag,

men dei voksne syns det er heilt ok :)

Liggeunderlag, haudelykter, dunjakke, vanntette north face baggar og multiverkty 

er noko av det som er kome på plass siste veka. 

Det har også blitt nokre småturar til Stryn for å handle inn andre livsnødvendige ting som sportstape, sunblock, regnponcho, new energy, melkesjokolade, gnagesårplaster, kleenex, ziplock-posa osb. osb..

Den dagen baggane kom i posten var det stor glede i heimen.

Prøvepakkinga kunne byrje!

Litt usikker på om vi gruar eller gledar oss til å finne ut 

kor vi ligg an i høve til dei 15 kiloane vi kan ta med kvar - men vi ventar i spaning ;) 

Manko på vanntette pakkeposar, samt soveposar, gjorde at prøvepakkinga ikkje vart heilt komplett, 

men vi har det i alle fall i orden på papiret:)

Etter timar med diskusjon og spekulering trur og håpar vi pakkelista er komplett, 

103 punkt, verken meir eller mindre:)

~ Pakkerot ~

~ Nye, romslege, vanntette og fine North Face-baggar ~

~ Utan mat og drikke, duger helten ikke ~

~ Vanntette sko er ein stor bonus, klargjering til impregnering på gang ~

~ Vi kryssar av, litt for kvar dag ~

~ God gamaldags skosmørning frå militæret på Voss kring 1977, beste sort ifølgje Kvakken sjølv ~

I morgon satsar vi på tur!

K&K <3